Сибайҙа һауа торошо:
-1, -3 ° C 1 - 3 м\с СЗ
Кемдәр гәзиткә яҙыла һәм квитанцияһының күсермәһен редакцияға ебәрә, уларҙы шәп бүләктәр көтә!       *       Почта аша яҙылыу хаҡы: 6 айға—551 һум 34 тин. Йыллыҡ подписка—1005 һум 48 тин.       *       Электрон вариантҡа яҙылыу—354 һум, йыллыҡ—606 һум.       *       Сибайҙар һәм Иҫке Сибайҙар редакцияға килеп 530 һумға яҙыла ала. Йыллыҡ подписка—990 һум.        *       2017 йылға «Атайсал» гәзитенә яҙылыу дауам итә. Ашығығыҙ! 30 декабрҙә Лото-уйын уҙғарыласаҡ.       *       
 
Ҡот ҡой әле, әсәй...
Untitled document

Таныш булығыҙ: Гөлиә Азаматова-Мөкминева. Ул сығышы менән Ейәнсура районы Әбүләис ауылынан. Әлеге көндә Коми республикаһының Усинск ҡалаһында йәшәй. Һөнәре буйынса—бухгалтер. Кейәүҙә, ире менән бер ул һәм бер ҡыҙ тәрбиәләп үҫтергән, ейәнсәре бар. Гөлиә ханым бәләкәйҙән шиғриәткә, йыр-моңға ғашиҡ булып үҫкән. Бөгөн беҙ һеҙгә уның бер шәлкем шиғырҙарын тәҡдим итәбеҙ.

Татыйым ғүмер тәмен

Ашҡынабыҙ, ашығабыҙ,

Ниҙер етмәй беҙгә һаман.

Fүмер ахырҙары килһә,

Ике метр ер тамам.

Һалып булмаҫ ул соҡорға,

Алтынды ла, көмөштө.

Риза булып ҡабул итәм,

Хоҙай биргән өлөштө.

Ҡара диңгеҙҙәргә барып,

Ҡолас йәйеп йөҙмәнем.

Пәйғәмбәр тыуған иленән,

Әфлисундар өҙмәнем.

Әммә булған өлөшөмдө,

Алыштырмам йыһазға.

Бала саҡтан мәхрүм итмәй,

Хоҙайым һөйөү-наҙға.

Туғандарым ҡурсаланы,

Ел-ямғыр тигеҙмәне.

Йә бәхет, йә алтын-көмөш,

Үлсәй яҙмыш бизмәне.

Ашҡынһам да ашыҡмайым,

Татыйым ғүмер тәмен.

Яңы аңлар йәшкә еттем,

Яҡты донъяның йәмен.

*   *   *

Салбарын да кейҙек ирҙәрҙең,

Тартып алдыҡ тимер аттарын.

Оҙаҡ көттөрмәне яуабы ла,

Түләтәләр хәҙер хаҡтарын.

Ҡыҙҙар кеүек тиҙ үк ҡылтаялар,

Һүҙ күтәрә алмай үсегеп.

Ҡапҡа төптәрендә төндәр буйы,

Көтөп йөрөмәйҙәр күшегеп.

Гөлләмәләр күптән онотолдо,

Ялҡын өҫтәр өсөн йөрәккә.

Йылы һүҙҙәре лә йылына бер,

Тыуған көнгә генә, бүләккә.

Сисегеҙсе, ҡыҙҙар, салбарҙарын,

Ҡайтарығыҙ тимер аттарын.

Беҙ үҙебеҙ төшөргәнбеҙҙер ул,

Баһаларын аҫыл заттарҙың.

*   *   *

Ҡот ҡой әле, әсәй, ҡурғаш бирәм,

Күңелемә ҡайтһын тыныслыҡ.

Өшкөр әле мине бисмиллалап,

Дәртем ҡайтһын, ҡайтһын тырышлыҡ.

Толҡа тапмай киттем һуңғы ваҡыт,

Ашым аш та, эшем эш түгел.

Тертләп торам әҙ-мәҙ тауышҡа ла,

Тыныслана алмай һис күңел.

Ҡот ҡой әле , сибәр булмаһам да,

Күҙ һеңгәндер әле моғайын.

Иҫләйһеңме, мин бәләкәй саҡта,

Үҙең шулай әйтә торғайның.

Нисәнсегә инде әсәйемдең,

Бисмиллаһы миңә килеште.

Аштың тәме, өйҙөң йәме ҡайтты,

Йырлап эшләйем мин һәр эште.

Рәхмәт, әсәй, әсәкәйем минең,

Доғаларың тағы килеште.

Көт мине, әсәй...

Һеҙ нисектер дуҫтар, ә мин үҙем,

Ҡойоп яуған ямғыр яратам.

Иҫкә төшә һаман бала сағым,

Лысмаҡай һыу булып өйгә ҡайтһам.

Шифа сәйен әсәй һәләт кенә,

Теҙеп ҡуйыр ине өҫтәлгә.

Мәтрүшкәһен, йүкә сәскәһен дә,

Ул онотмай ине өҫтәргә.

Ҡайнатмаһын, балын һалыр ине,

Һалҡын алмаһын тип тәнемә.

Ниндәй генә ризыҡ ашаманым,

Етмәй әсәй сәйе тәменә.

Бөгөн тағы ҡойоп ямғыр яуҙы,

Өҫтәлемә теҙҙем мин дә сәй.

Мәтрүшкә лә һалдым, балым да бар,

Тик янымда ғына юҡһың, әсәй.

Эй, һағындым һине, әсәкәйем,

Ғәфү итсе, һаман юлым төшмәй.

Алла бирһә, шифа үләнеңдән,

Түңкәрербеҙ бер самауыр сәй.

Көт һин мине, берүк көт, әсәй...

Туҡтай күрмә!

Эй, ғүмерем, туҡтай күрмә берүк,

Һис кенә лә йәшәп туйманым.

Тәмеңде лә яңы ғына белдем,

Тулыһынса әле тойманым.

Әкренерәк зинһар, ҡыуалама,

Айҙарыңды еккән ат итеп.

Ай артынан йылғыр йылым үтә,

Fүмеркәйем йомғаҡтарын һүтеп.

Баҡыйлыҡтан ҡалыр юлдар эҙләп,

Үткәрмәҫмен ғүм(е)рем заяға.

Күкрәк киреп бер йырлайһы ине,

Күтәрелеп бейек ҡаяға.

Туҡтай күрмә берүк ғүмеркәйем,

Өҙә күрмә тартып йомғағым.

Төйнәй-төйнәй килдем ошоғаса,

Әммә һис тә йәшәп туйманым.

Был донъяла эшем бик күп әле,

Тиҙ арала түгел бөтөрҙәй.

Ирешмәнем әле маҡсатыма,

Нөктә түгел, ҡуйҙым өтөрҙәр.

«Тегендә» лә, бәлки, кәрәкмендер,

Кәрәк булһам әле, көтөрҙәр...

Ҡыҙғанмағыҙ

Ҡыҙғанмағыҙ әле ирегеҙҙе,

Ундай байлыҡ үҙемдә лә бар

Кешенеке миңә кәрәк түгел,

Ят йәренә минең күңел тар.

Көлөп һөйләһәм дә хәбәремде,

Йөрәк түрҙәремдә ҙур йоҙаҡ.

Үпкәләнем бөгөн көнсөлкәйгә

Былай ҙа бит түҙҙем мин оҙаҡ.

Нахаҡ һүҙҙәр менән, төртмә телдәр,

Телмәгеҙсе минең бәғерҙе.

Сирек быуат бергә йәрем менән,

Ебәрмәгеҙ минең ҡәҙерҙе.

Кеше йәре миңә кәрәк түгел,

Ҡыҙғанмағыҙ әле ирҙәрҙе.

Рәнйетмәгеҙ әсәйҙәрҙе!

Әсәйҙәрҙе берүк, рәнйетмәгеҙ,

Ҡаты һүҙҙәр менән ҡағылып.

Fәйебегеҙ булһа ғәфү һорар,

Меңәрләгән һүҙҙәр табылыр.

Әсәй күңелдәре гәлсәр һауыт,

Йөҙәр ярсыҡтарға ярылыр.

Таш яуһа ла әгәр һинең өҫкә,

Йомшаҡ юрған булып ябылыр.

Балам, тиеп йоҡоларға тала,

Таңдар ата бала һүҙенән.

Аҡтыҡ ризығын да һиңә бирә

Әсә, йолҡоп алып үҙенән.

Рәнйетмәгеҙ берүк әсәйҙәрҙе,

Улар барҙа беҙ мәңгелек бала.

Кисерә ул әсәй, тик һуңлама,

 

Үкенестәр ғүмерлеккә ҡала...

гороскоп на 2013 год телец гороскоп совместимость мужчины весы и женщина весы гороскоп 2013 года скорпион гороскоп гороскоп для скорпиона на год змеи любовный гороскоп для козерогов на 2013 год эротический гороскоп для мужчины-козерога гороскоп на месяц - стрелец на сайте любовный гороскоп тут гороскоп на гороскоп совместимости рак он и козерог она описание людей по гороскопу лев индивидуальный гороскоп глобы на 2013 год программа для расчета персонального гороскопа женщины по знаку гороскопа рак гороскоп гадания гороскоп мужчина овен женщина близнец гороскоп 2013 рак обезьяна гороскоп на сегодня овен дева гороскоп совместимости дракон тигр гороскоп на сегодня скорпион на завтра как проверить совместимость по гороскопу гороскоп карьера 2013 весы онлайн телефонная интерактивные тесты егэ 9 класс справочник частных решебник по немецкому 9 бим телефонная база решенные тесты егэ по алгебре типовые задания бесплатные ссылка телефонная база онлайн фипи егэ история 2013 скачать книгу сложно ли сдать егэ по физике узнать телефон человека по адресу в москве gsm поиск город волжский справочник домашних телефонов витебск Знакомства Кемерово онлайн игра Counter Strike sitemap